അദ്ദിക്ർ

അനാഥകളുടെ ധനം തിന്നുന്നത് ഏഴ് വന്‍കുറ്റങ്ങളില്‍പെട്ട ഒന്നാണെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. തങ്ങള്‍ക്ക് ഭക്ഷണം ആവശ്യമുണ്ടായിരിക്കെ അല്ലാഹുവിന്‍റെ തൃപ്തിമാത്രം മോഹിച്ചുകൊണ്ട് അഗതികളെയും അനാഥക ളെയും ബന്ദികളെയും ഭക്ഷിപ്പിക്കുന്നവരാണ് പുണ്യാത്മാക്കളെന്നും അല്ലാഹുവിനെ മു ഖപ്രസന്നതയോടെ അവര്‍ കണ്ടുമുട്ടുമെന്നും 76: 8-11 സൂക്തങ്ങളില്‍ പറഞ്ഞിട്ടുണ്ട്. 93: 6 ല്‍ പ്രവാചകനെ അഭിസംബോധനം ചെയ്തുകൊണ്ട്, അവന്‍ നിന്നെ അനാഥനായി കാണുകയും അങ്ങനെ അഭയം നല്‍കുകയും ചെയ്തില്ലേ എന്ന് ചോദിച്ച ശേഷം; 93: 9 ല്‍, അപ്പോള്‍ അനാഥകളുണ്ടല്ലോ, അവരെ നീ ഒരിക്കലും ആട്ടിപ്പുറത്താക്കുകയുമരുത് എ ന്ന് പറഞ്ഞിട്ടുണ്ട്. 2: 174-175 ല്‍ വിവരിച്ച പ്രകാരം അനാഥകളോടും അഗതികളോടും ദരിദ്രരോടും കൈകൊള്ളേണ്ട വിധിവിലക്കുകളടങ്ങുന്ന അദ്ദിക്ര്‍ മൂടിവെക്കുന്ന കപടവി ശ്വാസികളും അതുകൊണ്ട് തുച്ഛവില വാങ്ങുന്ന ഫുജ്ജാറുകളും തങ്ങളുടെ വയറുകളില്‍ തീയ്യല്ലാതെ നിറക്കുന്നില്ല. ദിക്റാ എന്ന ഗ്രന്ഥത്തെ വര്‍ജ്ജിക്കുന്ന ദൗര്‍ഭാഗ്യവാന്‍മാര്‍ വമ്പിച്ച തീയില്‍ വേവിക്കപ്പെടുമെന്ന് 87: 9-12 ലും പറഞ്ഞിട്ടുണ്ട്. 4: 118 ല്‍ വിവരിച്ച പ്രകാരം അറബി ഖുര്‍ആന്‍ വായിക്കുന്ന ഫുജ്ജാറുകളും അവരുടെ ജിന്നുകൂട്ടുകാരും സ ത്യമായ അദ്ദിക്റിനെ അവഗണിച്ച് മിഥ്യ പിന്‍പറ്റുന്നവരും നരകക്കുണ്ഠത്തില്‍ കുത്തി നിറക്കപ്പെടാനുള്ളവരുമാണ്. 89: 17-20 ല്‍, അല്ല, അങ്ങനെയല്ല, നിങ്ങള്‍ അനാഥയെ ആദരിക്കുന്നവരായില്ല. അഗതിക്ക് ആഹാരം നല്‍കുന്നതിനുവേണ്ടി നിങ്ങള്‍ പ്രോത്സാഹി പ്പിക്കുന്നവരുമായില്ല. നിങ്ങള്‍ അനന്തരാവകാശ സ്വത്തുക്കള്‍ വാരിക്കൂട്ടി തിന്നുന്നവരു മാകുന്നു. സമ്പത്ത് ഒരുമിച്ചുകൂട്ടാന്‍ നിങ്ങള്‍ അതിയായി ആഗ്രഹിക്കുന്നവരുമാകുന്നു എന്ന് പറഞ്ഞിട്ടുണ്ട്. 2: 24, 159-161; 6: 115-116 വിശദീകരണം നോക്കുക.